Accidente aéreo

ACCIDENTE AÉREO EN SAN ADRIAN DE VEIGA

Contan que o 15 de Novembro de 1942, un cazabombardeiro P-38 Lightning ,chamado Lóstrego construído por Clarence "kelly" Johnson enxeñeiro da Lockheed, estrelouse en San Adrián de Veiga Provincia da Coruña.

O cazabombardeiro era pilotado polo primeiro tenente Robert Newton Chenoweth, un mozo californiano de 24 anos que a súa misión era chegar ata Xibraltar dende Chivenor en Inglaterra, para dirixirse ata a base aérea de Tafaraoui (Argelia). Para evitar que os detectasen os radares alemáns mantiveron unha altura de 500 pés, para despois volver coller altura e chegar a ascender 5000 pés e bordear a península.

A mala sorte do piloto foi atopar néboa sobre a costa da península perdendo de vista ao guía que o acompañaba un B-26 Merodeador (o cal foi o que conseguiu chegar ao seu destino) e o primeiro tenente Chenowth estrelouse contra o monte Mato morrendo sobre a 3 da tarde.

O piloto californiano morreu aos 24 anos e foi enterrado no cemiterio de Veiga fóra do camposanto.

O 8 de Agosto de 1946 os restos foron exhumados e trasladouse ao cemiterio do St. Avold en Francia.

Contan xentes de San Adrián que os restos do cazabombardeiro foron recollidos por veciños, para vendelos como ferralla.

Ana Piñón